नेपाल–भारत सीमा नाका बन्द, यो के को संकेत हो ?

 बाँके, १४ फागुन । आजबाट नेपाल–भारत सीमा नाका ३ दिनसम्म बन्द हुने भएको छ । भारतको उत्तर प्रदेशमा फागुन १६ गते हुन लागेको विधान सभा २०१७ लाई मध्यनजर गरी नेपाल–भारत सीमा नाका ३ दिनका लागि बन्द गरिएको हो । आज विहान ७ बजेदेखि नाका शील गरिएको बाँके प्रशासनले जनाएको छ ।
भारतको बहराइच र श्रावस्तीमा निर्वाचन हुने भएकोले २४ घण्टा अघिदेखि नै नाका बन्द गरिएको हो । आज बिहान ७ बजेदेखि बन्द गरिएको नाका फागुन १६ गते साँझ ६ः३० पछि मात्रै खुल्ला हुनेछ ।

उक्त अवधिमा सवारी साधन तथा ढुवानीका साधन संचालनमा नल्याउन प्रशासनले आग्रह गरेको छ । एम्बुलेन्सलगायत अत्यावश्यक सामग्री ढुवानीका लागि दुवै देशका अधिकारीको रोहवरमा गर्न सकिने बताइएको छ । भारतबाट आउने यात्रुहरु अलपत्र परेको खण्डमा सुरक्षाकर्मीको रोहवरमा वारपार गराइने सूचनामा उल्लेख छ ।

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.