‘लुट २’ को आक्रामक व्यापार, २ दिनमै कमायो ३ करोड

काठमाडौं । दर्शकहरुले खासै उत्कृष्ट नभएको भनिरहेको बेला चलचित्र ‘लुट २’ ले देशभर आक्रामक व्यापार गरेको निर्माता माधव वाग्लेको दावी छ । उनी भन्छन्, ‘यो चलचित्रले छक्का–पञ्जा’ को रेकर्ड तोड्नेछ ।’
निर्माता वाग्लेका अनुसार ‘लुट २’ले देशभरका हलबाट २ दिनमा ३ करोड आसपासको व्यापार गरेको छ । यो चलचित्र हेर्नका लागि काठमाडौंका मल्टिप्लेक्स र सिंगल हलमा दर्शकको घुँइचो लागेको छ ।

निश्चल बस्नेतले निर्देशन गरेको ‘लुट २’ ले रिलिज भएकै दिन अर्थात शुक्रबार १ करोड ५२ लाखको ग्रस कलेक्सन गर्न सफल भएको छ । ‘लुट २’ एक सय बढी हलहरुमा प्रदर्शन भैरहेको छ ।

‘लुट २’ अघि फिल्म ‘रेशम फिलिलि’ ले प्रदर्शनको पहिलो दिन, शुक्रबार करिब ८० लाखको व्यापार गरेको थियो । तर रेशम फिलिलिको उक्त ओनिङलाई ‘लुट २’ ले झण्डै दोब्बरले पछि पारेको छ ।

सौगात मल्ल, दयाहाङ राई, कर्म, विपिन कार्की, ऋचा शर्मा, सृजना सुब्बा, सुशिलराज पाण्डे, प्रतिकराज न्यौपानेको अभिनय रहेको फिल्मलाई दर्शकले सकारात्मक प्रतिक्रिया दिएका छन् । फिल्मलाई निर्माता वाग्ले र नरेन्द्र महर्जनले संयुक्त रुपमा निर्माण गरेका हुन् ।

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.