‘डोजर काण्ड’ हंगामा भएको बेला विराटनगरमा डोजरले विद्यार्थी किचेपछि…

काठमाडौं । सामाजिक संजालमा ‘डोजर काण्ड’ निक्कै हंगामा मच्चिरहेको बेला विराटनगरमा डोजरले किचेर एक विद्यार्थीलाई ठक्कर दिएको छ ।

क्याम्पस अगाडिको सडक निर्माणको क्रममा प्रयोगमा ल्याइएको डोजरले सोही क्याम्पसमा बिबिएस दोस्रो वर्षमा अध्ययनरत विद्यार्थी उमेश कुमार यादवलाई ठक्कर दिएको हो ।

डोजरले विद्यार्थी किचेको विरोधमा महेन्द्र मोरङ क्याम्पस अगाडि विद्यार्थी र प्रहरीबीच झडप भएको छ ।

आक्रोशित विधार्थीहरु डोजर तोडफोडमा उत्रिएपछि भीडलाई नियन्त्रणमा लिने क्रममा विद्यार्थी र प्रहरीबीच झडप भएको जिल्ला प्रहरी कार्यालय मोरङले जनाएको छ ।

विद्यार्थीहरुले ठक्करबाट घाइते भएका विद्यार्थीलाई ‘डोजर ब्याग’ गरेर मार्न खोजेको आरोप लगाएका छन् ।

विरोध प्रदर्शनमा उत्रिएका उनीहरुले दुईवटा डोजरमा आगो लगाएपनि तत्कालै प्रहरीले निभाउन भ्याएको प्रहरीले जनाएको छ । आक्रोशित भिडलाई नियन्त्रणमा लिन प्रहरीले लाठी चार्ज र अश्रुग्याँस प्रहार गरेको छ ।

ठक्कर दिएर घाईते भएका यादवको विराटनगरस्थित न्युरो अस्पतालमा उपचार भइरहेको प्रहरीले जनाएको छ ।

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.