भाइरल हुँदै 'चियावाली' !

 काठमाडौँ - केहि समयअघि गोलभेडा बोकेर झर्दै गरेकी एउटी किशोरीको तस्विर सामाजिक संजालमा भाइरल भयो । सबैले उनलाई तरकारीवालीको उपमा दिए । उनको चर्चा यतिसम्म चुलियो कि चोक- चोकमा तरकारीवालीकै चर्चा थियो । जताततै उनकै कुरा थियो । अहिले अर्को एउटा तस्विर त्यस्तै भाइरल भएको छ ।

तस्विरमा एउटी सानी नानी हातमा थर्मस, हरियो झोला र ग्लास बोकेर चिया बेच्न हिंडेकी छिन् । पहेंलो रंगको सुरुवाल र रातो रंगको घान्गर लगाएकी दुइ चुल्ठी बाटेकी उनी चिया बेच्न हिंड्दै गर्दा खिचिएको यो तस्विर अहिले सामाजिक संजालमा भाइरल भएको हो ।

सामाजिक संजालमा भाइरल भएको यो तस्विरलाई विभिन्न कोणबाट विस्लेषण गर्न थालिएको छ । 'उनको हातमा चिया होइन कापी हुनुपर्छ', 'देशमा बेरोजगार भए भनौं है, यी बहिनीसंग काम छ' लगायतका क्याप्सन राखेर सामाजिक संजालमा यो तस्विर भाइरल बनाइएको छ । यो तस्विर भाइरल भएसंगै उनको चर्चा पनि चुलिएको छ । हामी चियावाली नानीबारे थप खोजी गर्दैछौं ।

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.